Bonusi, trajtimi nga Rama i njerëzve si…bebe!

Një postim së fundmi nga kryeministri Rama tregon mbi përfituesit e bonusit të bebeve, por jo mbi rezultatin e kësaj praktike nxitëse për lindshmëri.

“….Më shumë se 210 mijë fëmijë kanë përfituar bonusin e bebes prej fillimit të programit të qeverisë në janar 2019”, shkruan i pari i qeverisjes, pa ia vënë në dyshim shifrën. Por kjo është njëra anë e çështjes, më pak e rëndësishmja. Ana tjetër, që është dhe arsyeja e bonusit, as që përmendet prej tij. Fjala është pra për efektet në lindshmëri të këtij bonusi, shkaku kryesor se pse u fut si praktikë financiare. Bonusi nuk është thjesht humanitet shtetëror, por një lloj strategjie që synon të rrisë lindshmërinë gjithnjë e në rënie. Kjo është kryesorja që duhet thotë Rama dhe që nuk e thotë.

Sipas treguesve të deritanishëm, bonusi i bebeve ka patur zero efekt në disponueshmërinë e çifteve shqiptare për të sjellë në jetë më shumë fëmijë.