Rama, thirrje të rinjve në emigrim: Pse rrini atje?

Në një konferencë me titull “Për sigurinë e turizmit në Shqipëri”, e cila bëri bashkë kryeministrin, ministrat e kabinetit qeveritar dhe krybashkiakët për të prezantuar planin për mbarëvajtjen e turizmit, prej të parit të qeverisë u lëshua thirrja për të gjithë ata që rinj të emigrim që të kthehen e të punojnë këtu, duke përcjellë bindjen se tashmë Shqipëria ka hyrë në një tjetër fazë ekonomie, falë turizmit.

“Çfarë kërkoni atje, pse rrini atje? Të gjithë hotelet janë vende të lira dhe kanë nevojë të madhe për punonjës të kualifikuar. Do të ketë pagat më të mira në rajon për turizmin”, tha Rama, duke sjellë dhe një paralele me botën e fubollit europian.

“Sot kemi hyrë në ‘Champions League’-n e turizmit Mesdhetar, në kampionatin e konkurencës së turizmit. Ky është sa moment historik por dhe sfidash. Se kemi hyrë por duhet të mbetemi. Italia, Franca, Spanja, Greqia nuk bien nga Champion. Ne nuk e kemi të konsoliduar pozicionin tonë. E jo vetëm që duhet ta konsolidojmë por dhe të jemi çdo vit e më shumë më konsolidues”, tha ndër të tjera Rama.

Ai u ndal dhe te areoporti i Jugut, jo në Sarandë por Gjirokastër, duke thënë se “në muajin maj do të hapet gara për ndërtimin e aeroportit të Gjirokastrës”, që sipas tij do t’i shërbejë të gjithë zonës së Jugut, ndërsa në korrik hapet edhe segmenti Thumanë-Kashar, aty ku eliminohet një prej akseve më torturuese të zemrës së Shqipërisë, gati në çdo kohë.

“Në korrik në gusht në vijim s’do kalojnë më andej nga kaloni vazhdimisht. Do kenë të hapur segmentin Thumanë-Kashar me standarde të tjera si pjesë e korridorit blu”. /tesheshi.com/