Kur bëhet fjalë për një takim të parë, shumë njerëz kërkojnë atë ndjesinë e menjëhershme të “kimisë”. Edhe pse ndonjëherë është e dukshme, në shumë raste ajo shfaqet në mënyra më të fshehta, sipas ekspertëve të marrëdhënieve.

Një nga sinjalet më të forta është vëmendja totale ndaj personit përballë. Nëse nuk ndiheni të tunduar të kontrolloni telefonin apo të shpërqendroheni nga ambienti, kjo tregon interes të vërtetë dhe lidhje të natyrshme mes jush. 

Po ashtu, një tregues i qartë është mënyra si “fluturon” koha. Nëse biseda rrjedh lehtë dhe pa u ndjerë, ka shumë gjasa që mes jush të ekzistojë një energji e veçantë. 

Detajet e vogla bëhen papritur të rëndësishme. Kur tërhiqeni nga dikush, filloni të vini re gjëra që zakonisht do t’i injoronit, si mënyra si flet apo si sillet në situata të ndryshme. 

Një tjetër shenjë është buzëqeshja e vazhdueshme. Nëse qeshni shpesh bashkë dhe ndani të njëjtin humor, kjo krijon një lidhje të menjëhershme dhe një ndjesi rehatie.