Kryeministri spanjoll nuk tërhiqet/Sanchez: Do të vazhdoj drejtimin e qeverisë!

Kryeministri i Spanjës, Pedro Sanchez njoftoi se ka vendosur që të qëndrojë në pushtet ndonëse nuk e kishte përjashtuar opsionin e dorëheqjes, pasi bashkëshortja e tij u vu nën hetim për korrupsion.  Sanchez doli me një njoftim të rëndësishëm:

Shefi i qeverisë së Madridit konfirmoi sot se ka vendosur të qëndrojë në krye të qeverisë, pavarësisht nga një fushatë diskreditimi, për të cilën ai akuzoi opozitën e djathtë dhe për të cilën, sipas tij, ilustrimi i fundit ishte hapja e një hetim gjyqësor ndaj bashkëshortes.

Këto fjalë u thanë nga lideri socialist 52-vjeçar, në pushtet që nga viti 2018. Mitingjet e mëdha të solidaritetit të organizuara nga mbështetësit e tij në Madrid dhe qytete të tjera gjatë fundjavës duket se ndikuan në vendimin e tij, të marrë së bashku me bashkëshorten.

Më 24 prill, Sanchez njoftoi se po konsideronte dorëheqjen, pas gati gjashtë vjetësh, “për shkak të pretendimeve të pabaza” të bëra kundër bashkëshortes.

Akuzat kundër Gomezit, e cila nuk mban poste publike, u ngritën nga organizata e krahut të djathtë “Manos Limpias” (Duart e Pastra) e që më vonë pranoi se akuzat bazoheshin në raportet e mediave që mund të ishin të rreme.

Zyra e Prokurorit Publik në Madrid, javën e kaluar kërkoi dhe që një hetim paraprak për Gomezin të anulohej.

Kryeministri Edi Rama reagoi më 26 prill pas deklaratave të kryeministrit spanjoll Pedro Sánchez, i cili tha se po mendonte të jepte dorëheqjen. Në një mesazh drejtuar Sánchez-it përmes rrjeteve sociale, Rama u shpreh se “është privilegj të kem miqësinë tuaj dhe mundësinë të punoj me ju në këto kohë të trazuara për vlerat dhe parimet te të cilat besojmë dhe për të cilat luftojmë”.

Burimi: vovmagazine.al