Pas largimit nga shtëpia e “Big Brother VIP Albania 5”, Alessio Alia ka reaguar për herë të parë publikisht duke komentuar dinamikat që u krijuan gjatë qëndrimit të tij në reality show. Ish-banori u ndal edhe te një nga temat më të përfolura në rrjetet sociale: raporti i tij me Brikenën.

Gjatë intervistës, Alessio i hodhi poshtë aludimet se mund të kishte pasur simpati për të, duke theksuar se një gjë e tillë nuk ka qenë kurrë reale. Ai u shpreh se perceptimi i publikut është krijuar nga situatat brenda shtëpisë dhe nga mënyra si janë interpretuar momentet mes tyre.

Sipas tij, raporti mes tyre nuk ka pasur asnjë dimension romantik dhe gjithçka ka qenë thjesht pjesë e dinamikave të lojës.

“Unë nuk kam pasur asnjëherë simpati për të. Ajo është shumë e zonja në mënyrën si e luan rolin e viktimës,” u shpreh Alessio gjatë intervistës.

Ish-banori shtoi se gjatë qëndrimit në shtëpi është përpjekur të analizojë sjelljet dhe strategjitë e banorëve të tjerë. Sipas tij, mënyra si Brikena paraqitet shpesh në situata konflikti duket më shumë si një strategji e menduar për të fituar simpatinë e publikut.

Ai u shpreh se shpesh ajo përpiqet të krijojë përshtypjen se është pala e dëmtuar në debatet me banorët e tjerë, ndërsa përgjegjësinë për situatat e vështira e zhvendos tek të tjerët.

“Ajo është një aktore shumë e mirë në këtë drejtim. Mundohet të duket si personi i drejtë dhe i pafajshëm në çdo situatë,” tha Alessio.

Në intervistë ai komentoi edhe raportin mes Brikenës dhe Mateos brenda shtëpisë së BBVA. Sipas tij, të dy duket se kanë një mënyrë të përbashkët të të kuptuarit të lojës, megjithatë ndjenjat mes tyre nuk duken të jenë të barabarta.

Alessio la të kuptohet se Mateo duket më i përfshirë emocionalisht në këtë raport, ndërsa nga ana e Brikenës situata mund të jetë më e kontrolluar dhe e menduar në funksion të lojës.

“Më duket se Mateo është pak më i përfshirë se ajo,” u shpreh ish-banori, duke ngritur edhe më shumë pikëpyetje mbi sinqeritetin e këtij raporti brenda shtëpisë.