Ajo që Tiranës i mungonte, realizim nga fantazia e një amerikani

Tirana do ketë një kompleks të veçantë dhe të dedikuar për panaire, evente e konferenca, duke e çliruar kësisoj Pallatin e Kongreseve, vepër e komunizmit, nga ngarkesa të tilla që konsumohen aty prej vitesh.

Është kryeminstri Rama që e njofton këtë dhe shpërndan pamjet, duke shkruar: “…Me projekt-idenë fituese të arkitektit të famshëm amerikan Steven Holl, në finalen e konkursit ndërkombëtar për EXPO ALBANIA, që do të jetë një kompleks modern për organizimin e panaireve, ekspozitave të artit, kulturës, historisë, konferencave e takimeve të shumëllojshme, si edhe një tjetër xhevahir i koleksionit të arkitektëve bashkohorë në Tiranë…”.