Rast prostitucioni në Durrës, procedohen penalisht 4 persona!

Policia e Shtetit ka proceduar penalisht katër persona në Durrës, pasi akuzohen për implikim në rast prostitucioni. “Të implikuar në një rast prostitucioni, që kryhej në ambientet e një pallati në lagjen nr. 4, procedohen penalisht katër shtetas (shqiptarë dhe të huaj). Sekuestrohen tre pasaporta, pesë celularë dhe shuma parash të valutave të ndryshme të dyshuara të përfituara nga kjo veprimtari kriminale . Specialistët e Seksionit për Hetimin e Trafiqeve të Paligjshme të DVP Durrës, bazuar në informacionet e siguruara nga inteligjenca policore, goditën një tjetër rast të veprimtarisë kriminale të prostitucionit. Për këtë rast u referuan materialet në Prokurori, ku nisën procedimet në gjendje të lirë për shtetasin R.G., 20 vjeç, banues në Durrës, si dhe për shtetasit N.B., 56 vjeç, T.S., 28 vjeçe dhe A.P., 36 vjeçe (me shtetësi amerikane dhe bjelloruse). Të 4 shtetasit u kapën në ambientet e një pallati në lagjen nr. 4, teksa shfrytëzonin për prostitucion ose ushtronin këtë veprimtari kriminale”, njofton policia.

Burimi: vovmagazine.al