Mijëra abonentë të kompanisë celulare “One Albania” janë përballur mbrëmjen e kaluar me shkëputje të internetit dhe të telefonatave, pasi janë shkëputur valët.

Sipas raportimeve në media, për më shumë se një orë, shërbimi i telefonatave dhe i internetit nuk ka qenë në funksion, duke lënë shumë përdorues pa mundësi komunikimi.

Ende nuk dihet se çfarë e ka shkaktuar këtë problem, por qytetarët kanë denoncuar mungesën e shërbimit që paguajnë te kompania “One”.

Nga ana tjetër, vetë “One Albania”, me një papërgjegjshmëri totale nuk ka reaguar për ndërprerjen e shërbimit ndaj klientëve dhe nuk ka dhënë asnjë njoftim zyrtar.

Kujtojmë se kjo nuk është hera e parë që abonentët e kompanisë celulare “One Albania” përballen me shkëputje të shërbimit, pasi raste të ngjashme janë regjistruar edhe më parë.