Trajneri i Ballkanit, Ilir Daja, e ka vlerësuar shumë të vështirë fitoren ndaj Gjilanit, ku skuadra e tij mori tri pikë si mysafir me rezultat 2-0.
Daja ka thënë se është dashur sakrificë e madhe për këto tri pikë pas ndeshjes kthyese të gjysmëfinales së Kupës ndaj Suharekës në mesjavë.
“Gjilani kishte objektiva tjera pasi është në pozitë të vështirë, por ne e kemi vlerësuar Gjilanin pasi kishte ecuri të mirë në ndeshjet e fundit. Ne në mesjavë kishim ngarkesë dhe kjo i vështirësoi gjërat para duelit me Gjilanin”.
“E patëm të vështirë. Arritëm te goli vetëm në momente të caktuara. Kemi sakrifikuar. Por tani e kemi kalendarin e njëjtë me të gjithë. Kur ka ndeshje në mesjave, kanë të gjithë”.
“Futbollistët i uroj për paraqitjen dhe vazhdojmë me bindje e me forcë për të dhënë maksimumin”, ka thënë Daja për “ArtMotion”.
Ballkani e ka siguruar edhe finalen e Kupës me Prishtinën, ndërsa është lider i Superligës.
