Zgjedhje të pasigurta në Pakistan: si Khan e si Sharif shpallin fitoren

Dy ish-kryeministrat e Pakistanit dhe liderët e dy partive më me ndikim të vendit, Imran Khan dhe Nawaz Sharif, kanë shpallur fitoren në zgjedhjet parlamentare të mbajtura më 8 shkurt.

Të dhënat e komisionit zgjedhor tregojnë se kandidatët e pavarur të mbështetur nga Khan fituan 93 vende parlamentare, Lidhja Muslimane e Pakistanit (PMLN) e Nawaz Sharifit 71 vende dhe Partia Popullore e Pakistanit (PPP) 53 vende.

Për një shumicë parlamentare kërkohen 169 mandate, ndaj është e sigurt se asnjë parti nuk do të mund të formojë qeverinë e pavarur.

Imran Khan, lideri i Tehrik-e-Insaf (PTI) pakistanez njoftoi dje fitoren e tij në zgjedhje përmes një mesazhi audio-vizual të bërë me ndihmën e inteligjencës artificiale (AI) nga burgu, ku ai po mbahet për zbulimin e sekreteve shtetërore dhe korrupsionit.

Ai hodhi poshtë pretendimin e rivalit të tij, ish-kryeministrit Sharif, se partia e tij kishte fituar, raporton Reuters.

Dyshimi për parregullsi zgjedhore

Sharif njoftoi se partia e tij kishte fituar, por nuk tha se sa vende kishte fituar.

Udhëheqja e partisë së Khan u përgjigj se Sharif nuk kishte të drejtë të shpallte fitoren ose të formonte një qeveri, duke vënë në dukje akuzat e përhapura për manipulime zgjedhore në favor të kandidatëve të PMLN-së, raportoi The Guardian.

Gazeta thotë se dy persona u vranë në protestat kundër mashtrimit të pretenduar të zgjedhjeve lokale dhe shton se mbështetësit e partisë së Khan kanë dalë në rrugë në Lahore dhe se janë planifikuar të tjera protesta në të gjithë vendin për parregullsi të supozuara zgjedhore.

Pasi SHBA, Britania e Madhe dhe Bashkimi Evropian shprehën shqetësimin për procesin zgjedhor në Pakistan, duke kërkuar një hetim për parregullsitë zgjedhore, Ministria e Punëve të Jashtme e Pakistanit tha se “komentet e disa vendeve dhe organizatave kanë injoruar faktin e pamohueshëm se Pakistani është mbajti zgjedhje në mënyrë paqësore dhe të suksesshme, ndërkohë që përballet me kërcënime sigurie”.