U mburr se nuk ka probleme me memorien, gafa e re e Bidenit

Presidenti i SHBA Joe Biden ka kritikuar me zemërim një hetim që zbuloi se ai keqpërdorte informacione të larta sekrete dhe nuk ishte në gjendje të mbante mend ngjarjet kryesore të jetës.

“Kujtesa ime është e mirë, nuk kam probleme me të,” tha Biden në një konferencë të papritur për shtyp të enjten mbrëma.

Ai u kritikua edhe ndaj pretendimit se nuk e mban mend se kur i vdiq djali, duke thënë: “Si dreqin guxojnë ta thonë këtë?”.

Megjithatë, gjatë bisedës, Biden bëri një gafë të re pasi e quajti presidentin egjiptian Abdel Fattah El-Sisi president të Meksikës.

“Fillimisht presidenti i Meksikës Sisi nuk donte të hapte kufirin që ndihmat humanitare të hynin në Gaza. Unë bisedova me të dhe e binda për këtë. Kam biseduar edhe me Netanyahun për të hapur kufirin edhe në anën izraelite. Ka shumë njerëz të pafajshëm që po vdesin nga uria dhe kjo duhet të ndalet!”, tha Biden.

Joe Biden refers to Egyptian President Abdel Fattah El-Sisi as the “president of Mexico”

I’m moving to Mars.

Who’s coming? pic.twitter.com/6gW2ANLclM

— Elon Musk (Parody) (@ElonMuskAOC) February 9, 2024

Kjo është gafa e tretë e bërë nga presidenti amerikan këtë javë.

Së pari, në një nga fjalimet në Nevada, ai deklaroi se është takuar me Presidentin e Francës Francois Mitterrand, i cili nuk jeton.

Më pas ai ngatërroi Angela Merkelin me ish-kancelarin gjerman Helmut Kohl, duke thënë se ai e kishte pyetur atë në vitin 2021 se si do të reagonte ndaj ngjarjeve të caktuara në MB.

Kohl ndërroi jetë në vitin 2017. /tesheshi.com/