Sekreti që morri me vete ushtari amerikan i vetëdjegur për Palestinën

Përpara se të kryente “aktin ekstrem të protestës” kundër Izraelit, Aaron Bushnell pretendoi se kishte njohuri sekrete për trupat amerikane që vepronin në Gaza.

Ky anëtar i Forcave Ajrore të SHBA-së, i cili shërbeu në krahun e 70-të të Inteligjencës, Mbikëqyrjes dhe Zbulimit të Forcave Ajrore, tha se kishte një leje sekrete të inteligjencës ushtarake në një telefonatë me një mik të shtunën mbrëma, 24 shkurt.

“Më tha të shtunën se ne kemi trupa atje, se ushtarët amerikanë po marrin pjesë në vrasje. Puna e tij aktuale përfshinte përpunimin e inteligjencës. Disa nga ato që ai mbuloi kishin të bënin me konfliktin izraelit në Gaza. Një nga gjërat që më tha ishte se se ushtria amerikane ishte e përfshirë në gjenocidet që po ndodhnin në Palestinë. Ai më tha se ne kishim trupa në terren, e dini, që ishin atje duke vrarë shumë palestinezë. Ka shumë gjëra që nuk i di, por mund t’ju them se toni i zërit të tij kishte diçka në të që më thoshte se ishte i frikësuar. Unë kurrë nuk e kam dëgjuar atë lloj toni nga ai”, tha miku i tij, lidhjet e të cilit me Bushnell u konfirmuan nga New York Post.

Nga ana tjetër, Shtëpia e Bardhë ka thënë se nuk do të dërgojë trupa amerikane në Gaza dhe Presidenti Biden ka thënë se shpreson të negociojë një armëpushim midis Izraelit dhe Hamasit këtë javë.

Forcat e operacioneve speciale amerikane janë vendosur në Izrael që nga sulmi i Hamasit, sipas New York Times, për të “identifikuar pengjet, duke përfshirë pengjet amerikanë”, pasi grupi kapi më shumë se 200 sosh gjatë bastisjes së tij.

Forcat speciale ishin gjithashtu të gatshme për të ndihmuar në strategjinë për trupat izraelite në Gaza, por raporti tha se trupave “nuk iu caktua asnjë rol luftarak”.

Forcat Ajrore konfirmuan se titulli i Bushnell ishte Teknik i Shërbimeve të Inovacionit, por nuk specifikoi se çfarë leje sigurie kishte.

Miku, i cili theksoi se nuk e mbështet Hamasin në asnjë mënyrë apo formë, tha se ishte i befasuar që Bushnell nuk kishte shkelur kurrë më parë lejen e tij ushtarake.

“Ai ka leje sigurie për katër vjet dhe kjo është hera e vetme, me sa di unë, ai ka thyer ndonjëherë protokollin dhe ka dhënë informacion që nuk duhet të kishte,” tha miku për bisedën e tyre, sipas NY Post.

Pak minuta para se t’i vinte flakën vetes, Bushnell transmetoi drejtpërdrejt një video të shkurtër në të cilën ai tha se “nuk do të ishte më bashkëpunëtor në gjenocid”. Teksa digjej ai bërtiti “Liri për Palestinën”.

Në postimin e tij të fundit në Facebook, Bushnell shkroi gjithashtu: “Shumë prej nesh duan të pyesin veten… Çfarë do të bëja nëse vendi im do të kryente gjenocid? Përgjigja është: Bëjeni tani”.