Peticioni serb në Kosovë, Komisioni Qendror i Zgjedhjeve certifikon javën tjetër firmat e mbledhura!

Komisioni Qendror i Zgjedhjeve javën e ardhshme do të nxjerrë konstatimin për validitetin e nënshkrimeve të mbledhur nga qytetarët serbë për shkarkimin e kryetarëve të veriut.

Kreu i KQZ-së, Kreshnik Radoniqi u shpreh se procesi është në përfundim.

Radoniqi po ashtu bëri të ditur se do të miratohen edhe rregulloret për pjesën e dytë të procesit të shkarkimit të kryetarëve të komunave veriore.

Pas verifikimit të nënshkrimeve dhe rregulloreve, Komisioni Qendror i Zgjedhjeve do të organizojë votimin me pyetjen për shkarkimin e kryetarëve, për çka duhet votim nga 50 plus një për qind e votuesve. Këtë, Komisioni Qendror duhet ta bëjë brenda 45 ditëve, e po aq kohë pas këtij procesi ka edhe presidentja të shpallë zgjedhjet në Zveçan, Leposaviq, Zubin Potok dhe Mitrovicë të Veriut.

Qytetarët serbë kërkojnë shkarkimin e kryetarëve shqiptarë që dolën nga zgjedhjet e 23 prillit të vitit të shkuar.

Burimi: vovmagazine.al