Pas debutimit me gol, Muja thotë se te Samsunspori ndihet si në shtëpi
Sulmuesi i krahut, Arbnor Muja, është shprehur i lumtur që është transferuar te Samsunspori. Futbollisti mitrovicas bëri lëvizje të befasishme, duke lënë kampionin e Belgjikës, Antwerpin, për skuadrën që po kërkon qëndrimin në Superligën e Turqisë, Samsunsporin.
Reprezentuesi 25-vjeçar i Shqipërisë më 8 shkurt luajti për Antwerpin në ndeshje për Kupë të Belgjikës, ndërsa të hënën, më 12 shkurt, debutoi në Superligën turke. U aktivizua në minutën e 69-të në ndeshjen e xhiros së 25-të të elitës turke, që Samsunspori e fitoi 2:0 ndaj Antalyasporit.
Muja shënoi golin e dytë, në minutën e 91-të. Realizoi me goditje nga zona, pasi u shërbye shumë bukur.
Fitorja ishte shumë e rëndësishme për Samsunsporin, që doli në vendin e 13-të me 29 pikë.
“E kemi ditur që kjo ndeshje do të jetë shumë e vështirë. Jam shumë i lumtur që kemi fituar. E kam ditur që një atmosferë e tillë na pret në stadium. Kemi tifozë të jashtëzakonshëm. Jam po ashtu shumë i lumtur që jam lojtar i Samsunsporit”, ka thënë Muja për mediat turke.
Me Antwerpin, futbollisti ofensiv ishte paraqitur në fazën grupore të Ligës së Kampionëve. Tani do të luajë në elitën turke.
“Kam shënuar golin e parë në ndeshjen e parë dhe kjo më bëri shumë të lumtur. Jam kohë të shkurtër këtu, por po ndihem si në shtëpi. Bashkëlojtarët, stafi i klubit dhe trajnerët janë faktor i madh që më bëjnë të ndihem kështu. Do të punojmë shumë që të vazhdojmë me rezultate pozitive”, ka shtuar Muja.
Në Superligën turke janë 20 skuadra. Katër prej tyre largohen nga elita në fund të edicionit. Samsunspori ka dy pikë më shumë se skuadra e pozitës së 17-të, që në fund dërgon në kategorinë e dytë. Gara për ekzistencë është shumë e fortë dhe shumë e hapur.
Muja ishte transferuar te skuadra belge, Antwerp, në verën e vitit 2022. Në Belgjikë fitoi gjithë trofetë. Por befasisht, javën e kaluar vendosi të transferohet te Samsunspori, që për trajner e ka gjermanin Markus Gisdol. Pritej që ai të transferohej së shpejti në ndonjë top-ligë evropiane, por tani është në Turqi.
Edicionin e kaluar Samsunspori fitoi titullin në ligën e parë turke dhe kështu u promovua në Superligë, ku synon të qëndrojë edhe për edicionin e ardhshëm. Në skuadrën turke presin shumë nga Muja.
function isBlockedCountry() {
var blockedCountries = [‘XK’, ‘AL’]; // ISO 3166-1 alpha-2 country codes for Kosovo and Albania respectively
var xhr = new XMLHttpRequest();
xhr.open(‘GET’, ‘https://ipapi.co/country/’, true);
xhr.onload = function () {
if (xhr.status === 200) {
var countryCode = xhr.responseText.trim();
if (blockedCountries.includes(countryCode)) {
// User is in one of the blocked countries, do not load the ad
console.log(‘User is in a blocked country.’);
} else {
// User is not in a blocked country, load the ad
loadAd();
}
}
};
xhr.send();
}
// Function to load the advertisement onto the webpage
function loadAd() {
var atOptions = {
‘key’: ‘a7f70856a07251d6e84c95819bee862f’,
‘format’: ‘iframe’,
‘height’: 250,
‘width’: 300,
‘params’: {}
};
document.write(” + ‘ipt>’);
}
isBlockedCountry();
Burimi: teve1.info
Na ndiqni në faqen tonë në Facebook Lajme Shqip
