Pagesat dhe blerjet përmes bankës, projekt pilot në Tiranë, Peshkopi e Përmet!

Për të ulur informalitetin dhe lehtësuar pagesat, shumë shpejt, Shqipëria do të testojë një projekt pilot për pagesat përmes sistemit elektronik. Kjo u bë e ditur nga ministrja për Sipërmarrjen dhe Klimën e Biznesit, Delina Ibrahimaj, pjesë e podcast-it “Flasim” të kryeministrit Edi Rama.

Përmes një projekti pilot këto forma pagesash elektronike do të testohen gjerësisht për të gjitha pagesat.

Ministrja bëri të ditur se qeveria do të lidhë partneritet edhe me disa biznese, të cilët do të pranojnë të bëhen pjesë e këtij projekti pilot, me qëllim që të testohen të gjitha zgjidhjet ekzistuese e të shihet se çfarë problematikash dalin, edhe në përdorim nga ana e individit, edhe nga ana e biznesit.

Kryeministri Rama theksoi se prej disa kohësh po flitet për zgjidhjen e këtij problemi përmes instrumenteve të botës së re.

Burimi: vovmagazine.al