Një shqiptare e quajtur Marigona ka marrë famë të menjëhershme pasi kamerat e televizionit e kapën në një moment të veçantë gjatë një ndeshjeje basketbolli mes Olympiacos B.C. dhe ASVEL Villeurbanne. Ajo ishte e ulur në tribunë duke ndjekur ndeshjen, kur kamera e transmetimit e fokusoi gjatë gjuajtjeve të lira, një moment që do të ndryshonte rrjedhën e jetës së saj. Pas përfundimit të ndeshjes, tifozët arritën ta identifikonin në rrjetet sociale, dhe popullariteti i saj u rrit në mënyrë të jashtëzakonshme. Para ndeshjes, Marigona kishte rreth 100 ndjekës në Instagram, por brenda një jave numri i tyre arriti mbi 150 mijë. Sot, ajo ka rreth 293 mijë ndjekës në Instagram dhe mbi 100 mijë të tjerë në TikTok. Marigona ka treguar se në fillim nuk kishte asnjë ide se sa shpejt ishte bërë virale, deri sa u kthye në shtëpi dhe pa reagimet e shumta që kishin shpërthyer në internet. E lindur në Kosovë, ajo dhe familja e saj u shpërngulën në Gjermani për shkak të situatës së paqëndrueshme në vend. Atje, ajo u rrit dhe ndoqi studimet për infermieri. Në Gjermani, Marigona takoi partnerin e saj, një biznesmen grek që merret me tregtinë e arit dhe bizhuterive, i cili është gjithashtu një tifoz i madh i Olympiacos. Kjo është arsyeja pse ata ndodheshin në palestrën e ndeshjes atë ditë. Që nga momenti kur u bë e njohur, Marigona ka pranuar shumë oferta për të punuar si modele dhe për të u shfaqur në emisione televizive në Greqi. Megjithatë, ëndrra e saj më e madhe mbetet të bëhet aktore. Ndërkohë, ajo ka marrë pjesë në disa aktivitete sportive dhe është parë në ngjarje të lidhura me basketbollin, duke u bërë një figurë gjithnjë e më e njohur në botën e rrjeteve sociale.