Kush i bleu këto atlete të arta “Trump” dhe me çfarë çmimi?

Një mbështetës i flaktë i Donald Trump ka fituar një palë këpucë sportive ngjyrë ari me autografin e ish-presidentit amerikan duke i vendosur dorën fort në xhep, siç shkruan gazeta amerikane New York Times.

Ky është Roman Scharf, themeluesi dhe CEO i tregtisë së orëve luksoze, “Luxury Bazaar”, i cili u largua nga ankandi me këpucët në… dorë.

Për atletet e arta “Never Surrender high-tops” që mbajnë autografin e miliarderit amerikan, Scharf pagoi 9000 dollarë në një ankand online të mbajtur në “Sneaker Con” të Filadelfias.

Ish-presidenti amerikan, siç raporton CNN, prezantoi “Trump Sports” në Filadelfia. Bëhet fjalë për një palë atlete floriri, të cilat një uebsajt i ri i ka renditur për 399 dollarë (370 euro) dhe i ka quajtur “Kurrë mos u dorëzo, këpucët e larta”, në podium ndërsa fliste.

Miliarderi amerikan njoftoi lançimin e atleteve të arta, pjesë e linjës së tij të re të këpucëve, duke habitur mbështetësit në një tubim të fushatës të shtunën.

Një video e shpërndarë në rrjetet sociale, siç raportohet nga New York Post, tregon fituesin e ankandit online, Scharf, duke buzëqeshur dhe duke folur me anëtarët e turmës, ndërsa tregon atletet e arta pasi fitoi mbi blerësit e tjerë të mundshëm.

Atletet, të cilat kanë yllin në anën e pasme, kushtojnë 399 dollarë.

Man wins first ever autographed Trump high top “Never Surrender” gold sneakers with winning bid of $9000 pic.twitter.com/ipfa5AmAZu

— The Post Millennial (@TPostMillennial) February 17, 2024

“Ne do të kemi një festë pasi të fitojmë zgjedhjet në nëntor dhe unë do të vesh këto atlete unike me firmën e Donald Trump,” tha Scharf, sipas uebsajtit amerikan Times Now World. Më pas ai deklaroi në rrjetet sociale se synon që përfundimisht t’ua japë këpucët fëmijëve të tij. “Por tani për tani do të shfaqem me këto në zyrë”, siç ka shkruar në platformën X (ish-Twitter).

Scharf, i cili ka lindur në Bashkimin Sovjetik dhe jeton në Filadelfia, e përshkruan veten si “një nga tregtarët më të mëdhenj të orëve gri në botë” – i cili tregton ora luksoze “pa u autorizuar nga marka për ta bërë këtë për llogarinë e tyre”. Tregu gri merret me mallra origjinale që nuk kanë autorizimin apo faktorët e duhur të kontrollit.