Kush do jetë zëvëndësi i Salah te Liverpool?

Ka spekulime në rritje se Mohamed Salah do të zbrazë dollapin e tij në dhomën e zhveshjes së Liverpool-it në fund të sezonit dhe do të largohet nga Anfield.

Dyshohet se Salah ka tërhequr interesimin e klubeve nga Arabia Saudite, të cilët janë të gatshëm t’i paguajnë Reds më shumë se 200 milionë euro për këmbët e tij.

Kjo është arsyeja pse në Liverpool tashmë kanë filluar të kërkojnë një zëvendësues, pra pasardhësin e egjiptianit të madh. Football Insider pretendon se ata kanë gjetur zgjidhjen “perfekte” në Anfield.

Përkatësisht, ylli i Wolverhampton-it, Pedro Neto, është në radarin e të madhit anglez. Portugezi ofron lojëra vërtet të dukshme në fanellën e “Ujqërve” të njohur, por shumë janë sigurisht skeptikë nëse 23-vjeçari është zgjedhja e duhur.

Përveç Liverpool-it, vlen të theksohet se për Neton ka shfaqur interes dhe Arsenali i Londrës. Megjithatë, informacionet e fundit bëjnë me dije se skuadra e drejtuar nga Jurgen Klopp ka avantazh.

Se çfarë do të ndodhë në fund të gjithë kësaj na mbetet të shohim. Pedro Neto, në rast se do të veshë patjetër fanellën e kuqe, do të kishte një detyrë të vështirë përpara, që është zëvendësimi i një prej legjendave më të mëdha të klubit, raporton AMSport. /tesheshi.com/