Egjipti kërkon armëpushim në Gaza para Muajit të Ramazanit!

Lufta e pamëshirshme në Lindjen e Mesme e ka rraskapitur Gazën. Ndihma është e ngadaltë, e pamjaftueshme dhe sa vjen e bëhet më e domosdoshme që të shpallet një armëpushim i përhershëm përpara fillimit të Muajit të Shenjtë të Ramazanit e që fillon pas pak ditësh. Ministri i Jashtëm egjiptian, Sameh Shoukry, i cili mbajti një fjalim në Forumin Diplomatik në Antalia të Turqisë e ku pati një sesion special për Gazën, theksoi:

Në takimin ku morën pjesë edhe përfaqësues palestinezë e nga Turqia, Shoukry përsëriti:

Më pas, ministri egjiptian përsëriti shqetësimin e tij për “pasojat jashtëzakonisht negative” që mund të ketë një sulm tokësor izraelit në Rafah dhe për “përkeqësimin e situatës në terren në Bregun Perëndimor me ritmin në rritje të inkursioneve ushtarake izraelite, të cilat rrezikojnë të shkaktojnë shpërthimin e situatës”.

I shokuar nga vrasja e mbi 100 personave që prisnin ndihmë humanitare në Gaza, shefi i Kombeve të Bashkuara, Antonio Guterres paralajmëroi se mund të kërkohet hetim i pavarur. Duke folur në nisje të një samiti, Guterres nuk e fshehu “tronditjen” nga episodi i fundit në luftën Izrael-Hamas, që vijon prej 7 tetorit të vitit të kaluar. Sipas autoriteteve palestineze janë vrarë mbi 30 mijë civilë, shumica prej tyre gra dhe fëmijë. Ndërkaq, Izraeli zotohet të mos ndalet derisa të shkatërrohet Hamasi, organizatë radikale, e shpallur “terroriste” nga Amerika dhe Bashkimi Europian.

Burimi: vovmagazine.al