Drift me makinë në “mes” të Burrelit, shoferi e pëson keq (VIDEO)

Një 32-vjeçar ka kryer manovra të rrezikshme me mjet në mes të Burrelit.

Siç shihet edhe në këto pamje shoferi ka qenë duke bërë drift por policia e ka gjobitur me 400 mijë lekë të vjetra.

“Bazuar në disa pamje filmike në të cilat shfaqet një automjet me targa italiane, duke kryer manovra të rrezikshme (drift), në qytetin e Burrelit, shërbimet e Komisariatit të Policisë Mat dhe ata të Policisë Rrugore kanë kryer veprimet për identifikimin dhe ndëshkimin e drejtuesit të automjetit.

Drejtuesi i automjetit, shtetasi E.H., 32 vjeç, banues në Itali, është shoqëruar në Komisariat, bashkë me automjetin e tij. Në vijim të veprimeve, nga specialistët e Policisë Rrugore i’u vendos masa administrative 40 000 lekë, bazuar në nenin 139 të Kodit Rrugor”, njofton policia.

Burimi: boldnews.al