“Çmimet fluturuese” të vajit të ullirit në BE

Çmimi i vajit të ullirit në BE u rrit me më shumë se 50% në një vit, midis janarit 2023 dhe janarit 2024, sipas shifrave të Eurostat të publikuara së fundi.

Në mënyrë të veçantë, çmimi i vajit të ullirit u rrit në gjysmën e dytë të 2023 me rritjen që arriti në 37% në gusht krahasuar me gushtin 2022.

Trendi u përshpejtua në shtator (+44%) dhe tetor (+50%).

Norma vjetore e ndryshimit arriti kulmin nëntorin e kaluar në +51% krahasuar me nëntorin 2022. Pati një ngadalësim të lehtë në dhjetor pasi çmimet ishin 47% më të larta (krahasuar me dhjetorin 2022).

Në janar 2024, të gjitha vendet e BE-së raportuan një rritje të inflacionit vjetor të vajit të ullirit. Rritja më e lartë u regjistrua në Portugali me +69% krahasuar me janarin 2023, e ndjekur nga Greqia (+67%) dhe Spanja (+63%).

Nga ana tjetër, rritjet më të vogla të çmimeve u regjistruan në Rumani (+13%), Irlandë (+16%) dhe Holandë (+18%).