BYD-i elektrik: nis “ofensiva kineze” në Europë

Anija e parë me automjete të prodhuesit kinez BYD shkarkoi 3000 makinat e para elektrike në portin gjerman të Bremerhavenit, gjë që “filloi ofensivën”, siç e quajti AFP, të asaj kompanie për të pushtuar tregun evropian.

Makinat elektrike që kanë mbërritur do të dërgohen në disa vende evropiane, ku çmimi mesatar pritet të jetë mbi 10 mijë euro dhe duhet të varet nga politika e tregut të importuesve në vende të veçanta.

Çmimi i këtyre modeleve konsiderohet nga konkurrentët si “papranueshëm i ulët” sepse BYD ka subvencione të gjera nga qeveria në Kinë.

BYD, gjiganti kinez për prodhimin e makinave elektrike, ka kaluar Tesla-n amerikane për sa i përket shitjeve në botë në tremujorin e fundit të 2023.

BYD ka porositur gjithsej tetë anije për të transportuar makina nga Kina, veçanërisht në Evropë, sipas mediave gjermane.

BYD (që do të thotë Build Your Dreams) është prodhuesi kryesor në botë i makinave elektrike.

Grupi ndaloi prodhimin e makinave me motorë me djegie të brendshme në vitin 2022 për t’u fokusuar në modelet hibride dhe elektrike. /tesheshi.com/

​