Aksident në Milot-Rrëshen, kamioni del nga rruga, plagoset shoferi

Një aksident ka ndodhur mesditën e kësaj të mërkure në aksin rrugor Milot-Rrëshen në Rrugën e Kombit në afërsi të Milotit.

Një kamion me targa të Kosovës, ka dalë nga rruga në rrethana ende të paqarta.

Si pasojë ka mbetur i plagosur drejtuesi i kamionit, i cili raportohet se ndodhet jashtë rrezikut për jetën.

Policia ka mbërritur në vendngjarje, dhe ka nisur hetimet lidhur me rastin.

Burimi: boldnews.al