A po shkon Evropa drejt recesionit?

Ekspertët ekonomikë janë të shqetësuar për rrezikun e recesionit në vendet evropiane deri në fund të vitit 2024.

Kjo rrjedh nga rezultatet e publikuara të anketës tremujore të ekspertëve ekonomikë (EES) të kryer nga Instituti për Kërkime Ekonomike IFO në Mynih dhe Instituti Zviceran për Politikat Ekonomike.

Në Evropë, pritshmëritë janë mjaft heterogjene, pasi ekspertët nga Gjermania, Britania e Madhe dhe Holanda parashikojnë se probabiliteti i një recesioni në vendet e tyre është 38 për qind, ndërsa probabiliteti i një recesioni në Ballkan është ndërmjet 25 dhe 30 për qind.

Probabiliteti i një recesioni në Itali deri në fund të vitit është 27 për qind, në Francë 23 për qind, në Spanjë 22 për qind.

Duke parë sipas zonës, ekspertët nga Evropa Lindore, Amerika e Jugut, Amerika e Veriut, Evropa Veriore dhe Perëndimore tregojnë shqetësimin më të madh për recesionin.

Sipas ekspertëve, faktorët kryesorë që mund të ndikojnë në një recesion të mundshëm janë ngjarjet gjeopolitike dhe rritja e çmimit të energjisë.

Ekspertët presin rritje ekonomike globale prej 2.4 për qind në 2024 dhe përshpejtimin e saj në 2.9 për qind në 2025 dhe 3.3 për qind në 2027.

Parashikimet janë mjaft të zymta për shumicën e vendeve të Evropës Perëndimore, pasi që, sipas ekspertëve, në Gjermani në vitin 2024 pritet një rritje modeste prej 0,6 për qind, Britanie e Madhe 0,5 për qind, Austri 0,9 për qind.